ما هي القهوة المختصة ولماذا يفضلها الناس؟
القهوة المختصة مو نوع جديد من القهوة ، لكنها طريقة مختلفة في اختيار الحبة والتعامل معها.
هي قهوة تنزرع في مزارع تهتم بكل خطوة ، من التربة إلى القطف إلى التجفيف.
والنتيجة: كوب نظيف ، طعم واضح ، وتجربة تختلف عن القهوة العادية.
كيف يبدأ كل شيء؟
القهوة المختصة تمر برحلة دقيقة:
مزرعة تهتم بكل شجرة
قطف يدوي للحبات السليمة فقط
فرز للحبات الممتازة وترك اي شيء ناقص
معالجة تبرز طعم الحبة
تحميص مدروس
تخزين ونقل بطريقة تحافظ على الجودة
هذي الخطوات هي اللي تفرق.
مو السر في كلمة مختصة نفسها…السر في الشغل اللي وراء الكلمة.
وش اللي يميز القهوة المختصة؟
1. وضوح الطعم
تحس بالنكهة الحقيقية للحبة ، بدون مرارة مزعجة او طعم باهت.
2. تحميص طازج
القهوة المختصة غالبا تتحمص على دفعات صغيرة، وهذا يخلي الطعم ثابت وطازج.
3. جودة ثابتة
كل كيس له درجة ، وله تقييم ، وله مصدر واضح.
ما في شيء عشوائي.
4. تجربة تحضير مختلفة
سواء فلتر او اسبريسو ، القهوة المختصة تعطيك مساحة لتجرب وتضبط نكهتك.
ليه الناس تتجه للقهوة المختصة؟
لانها ببساطة تقدم طعم افضل ، وتجربة ارقى ، وتحسس الشخص انه يشرب كوب له قيمة.
حتى لو كان كوب بسيط ، يبان فيه الفرق بين العناية والإهمال.
هل كل قهوة مختصة طعمها واحد؟
لا
كل محصول له طابع ، وكل معالجة تعطي شخصية مختلفة ، وكل تحميص يغير مستوى الوضوح.
لكن الشي الثابت في دريب اون هو الجودة.
الجودة ما تختلف.
كيف تختار قهوتك المختصة؟
الموضوع اسهل مما تتصور:
اذا تحب قهوة مثالية وسهلة الشرب خذ شيء مثل كولومبيا هاسيندا
اذا تحب قهوة نظيفة واضحة كلاسيكية خذ اثيوبيا قوجي
اذا تحب تجرب قهوة فاخرة و فاكهية جرب كولومبيا يلو فروت
واذا تحب تركيز.. استخدم اسبريسو مثل برازيلي أكيا
انت مو محتاج كلمات صعبة، اختار الشي اللي يناسب ذوقك وبس.
الخلاصة
القهوة المختصة هي نتيجة اهتمام في كل خطوة، من المزرعة إلى الكوب.
وهي اليوم الخيار الافضل للي يدور طعم نظيف، تحميص طازج، وتجربة تليق باليوم.
مو لازم تكون خبير عشان تستمتع فيها، كل اللي تحتاجه انك تختار البن الصحيح وتستمتع باللحظة.
